Salim Khan

۹ بج کر ۳۸ منٹ پر جب کیئر اسٹارمر ڈاؤننگ اسٹریٹ نمبر ۱۰ کے باہر آئے تو انہیں اندازہ تھا کہ یہ ان کا آخری خطاب ہے۔ انہوں نے کھل کر کہا کہ ان کی پارٹی پوچھ رہی ہے کہ کیا وہ اگلے عام انتخابات میں لیبر پارٹی کی قیادت کے لیے بہترین شخص ہیں؟ اور انہوں نے اس کا جواب سن لیا تھا۔ کیئر اسٹارمر کے استعفیٰ کی بنیادی وجہ پارٹی کے اندرونی دباؤ اور مقامی انتخابات میں لیبر پارٹی کی بدترین کارکردگی تھی۔ مئی میں ہونے والے مقامی انتخابات میں لیبر پارٹی کو تاریخی شکست ہوئی تھی جس کے بعد وزیراعظم پر استعفیٰ دینے کا دباؤ بڑھتا گیا۔ برطانوی وزیراعظم کے استعفیٰ کی کیا وجہ ہے؟ درحقیقت، اسٹارمر کی سیاسی حیثیت متعدد متنازعہ اسکینڈلز کی وجہ سے کمزور ہو گئی تھی۔ ان کی اپنی پارٹی کے اراکین ان کی پالیسیوں کو ناکام قرار دے رہے تھے۔ دو سال قبل ۲۰۲۴ میں انہوں نے ۱۴ سالہ کنزرویٹو حکومت کے خلاف عوامی بغاوت کا فائدہ اٹھاتے ہوئے زبردست کامیابی حاصل کی تھی، لیکن یہ کامیابی زیادہ دیر قائم نہ رہ سکی۔ سوال یہ پیدا ہوتا ہے کہ کیا محض دو سال میں عوامی حمایت اس طرح کم ہو سکتی ہے؟ اس کا جواب ان کی پالیسیوں اور پارٹی کے اندرونی اخ...